«Ufa» bosh murabbiyi Vadim Yevseev Moskvaning «Dinamo» klubiga o‘tgan Daniil Fomin hamda «Spartak»ka o‘tishi kutilayotgan Oston O‘runovning kelajagi borasida o‘z fikrlarini bildirib o‘tdi.

«So‘nggi paytlarda «Ufa»ning ikki nafar futbolchisi haqida ko‘p gairilmoqda. Ular — Fomin va O‘runov. Ulardan biri kelajagini «Dinamo» bilan bog‘lagan bo‘lsa, ikkinchisini «Spartak»ka bog‘lashmoqda.

Yosh futbolchilar «Ufa»ga pul ishlash uchun emas, o‘sish uchun kelishadi. Ular keyinchalik baquvvat jamoalardan yaxshi taklif olishsa, o‘zlarini yaxshi shartnoma bilan ta’minlab olishadi.

Oston yosh iqtidorli o‘yinchi. Lekin uning iqtidorini ochish hamda butun faoliyati davomida uni qo‘llab-quvvatlash kerak. Birgina iste’dod bilan uzoqqa borib bo‘lmaydi. "Ufa" safidagi 10ta o‘yindan keyin u haqida gapira boshlashdi.

«Ufa» yana bir marta yulduzlar maqomini isbotlaganidan xursandman. Hech kimga ma’lum bo‘lmagan o‘yinchilarni olib kelib, ularni taniqli o‘yinchilarga aylantiramiz. Bu yerda ish to‘g‘ri yo‘lga qo‘yilgan. Tez orada Fomin va O‘runov haqida ko‘p qiziqarli xabarlarni eshitamiz», — deya yozdi Yevseev instagram orqali.