Dunyodagi eng qimmatbaho g‘alaba qaysi deb o‘ylaysiz? Agar faqat moliyaviy foyda tomonidan o‘lchasak? YECHL finalimi? Yoki Jahon Chempionini aniqlaydigan o‘yinmi? Yo‘q.

Eng qimmat o‘yin hozirgina «Uembli»da, "Brentford" va "Fulhem" o‘rtasida bo‘lib o‘tdi. Bu bahsda kelasi yilda APL da qatnashadigan uchinchi jamoa nomi ma’lum bo‘ldi — bu "Fulhem"..

APL ulkan teleshartnomalar tufayli, har bir ishtirokchisiga bir mavsum uchun qariyb 100 million funt beradi. Mabodo, bugungi g‘olib kelasi mavsumda qaytib Chempionshipga tushib ketgan taqdirdayam, «parashyut» to‘lovi bor — ya’ni APLga chiqib, masalan, katta maosh shartnomalarini tuzib, ammo pastki ligaga tushib ketgach, bankrot bo‘lmasligi uchun beriladi. Bu summayam uch yilda taxminan 50-60 million funtni tashkil qiladi.

Demak, bugun APLga chiqadigan jamoa keyingi uch yilda kamida 150 million funtga ega bo‘lar ekan.

Mabodo omadi kelib, APLda yana bir yil qoladigan bo‘lsa, keyingi ikki yilda 200 million funt, uchinchi mavsumdagi «parashyut» bilan 250 million bo‘lib ketadi. Dahshat, to‘g‘rimi?

O‘sha YECHL finalida yutgan klub ham buncha pul uchun o‘ynamaydi. G‘olibning mag‘lub bilan o‘rtasidagi farq nari borsa, 5-10 million funt.

Qahramon Aslanov.