«Paxtakor» sharafini ayni paytda himoya qilayotgan o‘yinchilar orasida kimlar nechta gol muallifi bo‘lgani haqida ko‘rsatkichlar bilan tanishtirib o‘tamiz.

Bunda futbolchilarning rasmiy musobaqalar - O‘zbekiston chempionati, ichki kuboklar va Osiyo Chempionlar Ligasi, MDH Chempionlari Kubogida urgan gollari hisoblab chiqilgan. Futbolchi nomidan so‘ng uning "Paxtakor" safida kiritgan umumiy to‘plari soni, qavs ichida esa bu gollarning chempionat-kuboklar-xalqaro o‘yinlar tartibida nechtadan urilgani keltirilgan.

Akademiyamiz tarbiyalanuvchisi Igor Sergeev hozirgacha jamoamiz uchun 112 to‘p kiritgan. Shundan 89 golni u chempionatda, 11 golni ichki kuboklarda va 12 to‘pni Osiyo Chempionlar Ligasida raqib darvozalariga yo‘llagan. Keyingi pog‘onada turgan Dragan Cheran hisobida gollar soni 45taga yetib ulgurdi. Vladimir Kozak va Jaloliddin Masharipov hisobida 26tadan gol mavjud bo‘lsa, Yegor Krimes 18 to‘p muallifi bo‘lgan.

Yarim himoyachi Sadriddin Abdullayev joriy mavsumda gol urgan taqdirda 12 yillik tanaffusdan keyin "Paxtakor" uchun to‘p kiritgan futbolchiga aylanadi. Oxirgi marta u 2008 yilgi mavsumda raqib darvozasini ishg‘ol qilgan. Shuningdek, himoyachi Anzur Ismoilov ham 2008 yil jamoamiz tarkibida so‘nggi golini urgan. Ismoilov MDH Kubogida hozirgi tarkib o‘yinchilari orasida gol urgan yagona futbolchi sanaladi. Undan boshqa futbolchilarning barchasi xalqaro o‘yinlarda OCHLda gol urishga erishgan.

Igor Sergeev - 112  (89+11+12)
Dragan Cheran - 45 (34+8+3)
Vladimir Kozak - 26 (21+4+1)
Jaloliddin Masharipov - 26 (19+4+3)
Yegor Krimes - 18 (15+1+2)
Doston Hamdamov - 16 (10+5+0)
Sadriddin Abdullayev - 11 (6+4+1)
Sardor Sobirxo‘jayev - 6 (4+2+0)
Farruh Sayfiyev - 5 (5+0+0)
Eren Derdiyok - 5 (5+0+0)
Hojiakbar Alijonov - 3 (1+1+1)
Sherzod A’zamov - 3 (1+1+1)
Anzur Ismoilov - 3 (1+1+1)
Javohir Sidiqov - 1 (1+0+0)
Humoyunmirzo Iminov - 1 (0+1+0)
Odil Hamrobekov - 1 (0+1+0)