O‘zbekiston terma jamoasi bosh murabbiyi Vadim Abramov "Rostov" hujumchisi Eldor Shomurodov haqida o‘z fikrini bildirib o‘tdi.

"Eldordagi progress meni hayron qoldirmadi. Uni yaxshi bilaman. O‘tgan yili u haqiqatan ham yangi saviyaga ko‘tarildi, ammo koronavirus bilan bog‘liq tanaffusdan keyin "Rostov" dovdiray boshladi. Natijada u gol urishdan to‘xtab qolgan bo‘lsa, "Rostov" Chempionlar ligasi yo‘llanmasini qo‘lga kirita olmadi. O‘ylashimcha, Shomurodov – "Rostov"dagi muhim o‘yinchi, jamoa yetakchilaridan biri. U Yevropa klubiga o‘tishidan yutadimi yoki yo‘qmi, bilmadim. Biror narsa deyish qiyin. Chunki har bir futbolchinin o‘z taqdiri bor, bu narsa hammaga har xil ta’sir qiladi", — dedi Abramov.

58 yoshli mutaxassisning fikricha, Rossiya chempionatida o‘zbekistonlik futbolchilar sonining oshishi terma jamoaga naf keltiradi.

"Bizning bozor yetarlicha baholanmagan. Bizda iqtidorlar o‘yinchilar ko‘p, ammo ularga ishonch bildirilmagan. Agar O‘zbekiston terma jamoasi xalqaro arenada yaxshi ishtirok etsa, shunda mahalliy o‘yinchilarga qiziqish paydo bo‘ladi. RPLda o‘zbekistonlik futbolchilarning sonining oshishi — bu terma jamoa uchun "plyus". Chunki ularning o‘rniga boshqa futbolchilar keladi va o‘yin amaliyotiga ega bo‘ladi", — dedi Vadim Karlenovich.