«Yuventus» bosh murabbiyi Mourisio Sarrini iste’foga chiqardi. Murabbiy «Chelsi»da ham bir mavsumdan so‘ng iste’foga chiqarilgandi.

Qiziq paradoks. Sarri Yevropaga «Napoli»dagi faoliyati orqali tanilgan, «Chelsi» ham, «Yuventus» ham aynan o‘sha baza tufayli unga qiziqish bildirgan.

Ammo bir jihat esdan chiqyaptiki, murabbiy Neapolda yetarli vaqtga ega bo‘lgandi - «Napoli» uchinchi yilga kelib, Sarri uslubida to‘p sura boshlagan, Italiyada rekord darajada ochko to‘plab, Chempionlar Ligasida o‘zini ko‘rsatgandi.

Sarri o‘ziga xos spesifik trener, uni taklif qildingizmi, demak, o‘z uslubini joriy qilish uchun yetarli vaqt berishingiz kerak. Vaqt ushbu murabbiy uchun sharoit, transferlar, ishonch kabi bir qator omillar kabi, eng zarur talablardan biri edi. Aks holda, hech narsa ishlamasligi tabiiy.

Qizig‘i, Sarri o‘z faoliyatida ikki sovrin yutgan, biri «Chelsi» bilan Yevropa ligasida, ikkinchisi, «Yuventus» bilan «A Seriya»da.

Qahramon Aslanov.