«Chelsi»ning braziliyalik hujumkor yarim himoyachisi London klubi bilan xayrlashganligini e’lon qildi.
«Ajoyib o‘tgan yetti yil. 2013 yilning avgust oyida «Chelsi»dan taklif tushganida aynan ushbu jamoaga o‘tishim kerakligini his qilganman. Hozirga kelib ushbu qarorim to‘g‘ri bo‘lganligiga aminman. Bu yerda eng baxtli, eng alamli va eng hayajonli damlarni o‘tkazdim. Ammo hech qachon zerikarli bo‘lmagan. Aynan ushbu jamoada men yaxshi inson sifatida o‘sdim.
Bugun esa yana oldinga harakat qilish vaqti keldi. Jamoadagi barchani sog‘inib qolaman. Menga otadek munosabatda bo‘lgan klub xodimlaridan minnatdorman, muxlislarni ham sog‘inib qolaman. Bu klubda har doim bor kuch va imkoniyatimni ishga solganim, ishimga vijdonan yondashganim bois jamoani boshimni baland tutib tark etaman», - deya yozadi braziliyalik futbolchi «Instagram»dagi sahifasida.
