Turinning «Yuventus» klubi futbolchisi Paulo Dibalaga Madridning «Real» klubi jiddiy qiziqish bildirmoqda deya xabar bermoqda Sport Mediaset.

Manbaning yozishicha, «Qirollik klubi» futbolchi borasida «Yuventus»ga yirik taklif yubormoqchi. Xabarda aytilishicha, «qaymoqranglilar» Dibala uchun 100 million yevrodan ko‘proq mablag‘ sarflash niyatida. «Blankoslar» ushbu bitimni amalga oshirish uchun Isko yoki Toni Kroosni qo‘shib berishga tayyor.

«Real» hali bu taklifni «Yuventus»ga yubormadi, lekin, «Qirollik klubi» Dibalani sotib olish ishtiyoqi kuchli. Shu bilan birga «Yuventus» argentinalik futbolchi borasida tushadigan takliflarni ko‘rib chiqmoqchi emas. Bundan tashqari, "Yuve" Dibala bilan yangi shartnoma borasida kelishuvga erishgan.

Dibalaning o‘zi ham «Yuventus»ni tark etish niyatida emas.