Ayni kunlarda yurtimiz futbolida transfer oynasi ochilgan. Superliga klublarining tarkiblarida o‘zgarishlar kuzatilmoqda.
“Qo‘qon-1912” jamoasiga darvozabon Islom Abdullayev qaytgani haqida xabar bergan edik. Shuningdek hujumchi Otabek Haydarov Yaypanning “Turon” jamoasiga o‘tganidan ham muxlislarimizning xabarlari bor.
Bugun “shunqorlar” tarkibini yana ikki nafar futbolchi tark etdi. Mavsum boshida jamoa safiga kelib qo‘shilgan iqtidorli yarim himoyachi Suhrob Nurulloyevning xizmatlariga Samarqandning “Dinamo” jamoasi jiddiy qiziqish bildirganligi sababli futbolchi mavsumning qolgan qismini samarqandliklar tarkibida davom ettiradigan bo‘ldi.
Shuningdek, Farg‘onaning “Neftchi” jamoasidan ijaraga olingan yosh himoyachi Shodiyor Hojimatov yana “Neftchi” tarkibiga borib qo‘shiladigan bo‘ldi.