"Inter" yarimhimoyachisi Valentino Lazaro faoliyatini Germaniyada davom ettiradi, deya xabar beradi jurnalist Nikolo Skira.
Manbaning xabariga ko‘ra, 24 yoshli avstriyalik futbolchi menxengladbaxning "Borussiya" klubi tomonidan ijaraga olinadi.
Xabar qilinishicha, klublar kelishuvga erishishgan va yaqin orada rasman e’lon qilinadi. Shuningdek shartnomada futbolchini 20 million yevroga sotib olish imkoniyati mavjud.
Eslatib o‘tamiz Lazaro 2019/20 yilgi mavsumning ikkinchi yarmini ijara asosida "Nyukasl"da o‘tkazdi.
