Superliga 10-tur doirasida bo‘lib o‘tgan "Mash’al"-"Andijon" jamoalari o‘rtasidagi uchrashuvdan so‘ng, matbuot anjumanida "burgutlar" jamoasi murabbiyi Diyor Mirzaboyev ishtirok etdi.
"Balki to‘pni muborakliklar nazorat qilgandir, lekin gol urgan jamoa yutib ketadigan o‘yin bo‘ldi. Umuman olganda, ularda ham, bizda ham yetarli vaziyatlar bo‘ldi. O‘ylaymanki durang natija adolatli bo‘ldi.
Bugungi o‘yinni taktikasi qanotdan tezkor hujum uyushtirib, bo‘ydor hujumchilarimizga to‘pni uzatib berish edi, shu bois Abdumannopov va Jamshid Hasanovlarni qanotga qo‘ygandik", dedi murabbiy.
