1999-2000 yilda tug‘ilgan futbolchilar uchun xalqaro maydonlarda to‘p surish imkoniyatini yaratish, Milliy terma jamoamizga munosib nomzod futbolchilarni yetkazib berish maqsadida O‘zbekiston U22 terma jamoasi faoliyati yo‘lga qo‘yiladi.
Hozirda ushbu yosh toifasidagi ko‘plab futbolchilar turli klublar safida O‘zbekiston Superligasida ishtirok etayotganligi O‘zbekiston U22 terma jamoasining tarkib topishi zarur ekanligining yana bir muhim omili hisoblanadi.
Ushbu terma jamoaga 2021 yil oktyabr oyida bo‘lib o‘tadigan U23 Osiyo chempionati Saralash bahslariga tayorgarlik ko‘rish va unda munosib ishtirok etish vazifasi yuklanadi.
Shuningdek, mazkur jamoani shakllantirishda Timur Kapadze boshchiligidagi U19 O‘zbekiston terma jamoasining 2021 yilgi U20 Jahon chempionatida ishtirok etish ehtimolligi ham hisobga olindi.
2022 yilgi U23 Osiyo chempionatiga yo‘llanma qo‘lga kiritilgan taqdirda, O‘zbekiston U22 jamoasi yetakchi futbolchilari O‘zbekiston U19 terma jamoasiga qo‘shilgan holda O‘zbekiston U23 jamoasi tuziladi.
O‘zbekiston U22 terma jamoasiga bosh murabbiy sifatida tajribali mutaxassis Ravshan Haydarov nomzodi ma’qullandi. Jamoa vakillari 31 avgustdan 5 sentyabrga qadar Toshkentda o‘quv-mashg‘ulot yig‘ini o‘tkazadi.
Yig‘inga chaqirilgan futbolchilar ro‘yxati:
|
№ |
F.I.SH. | Tug‘ilgan yili | Amplua |
Klub |
| 1. | Ergashev Umidjon | 20.03.1999 | Darvozabon | «Nasaf» |
| 2. | Muhammadjonov Mashhur | 21.02.1999 | Darvozabon | «Nasaf» |
| 3. | Isakov Azizxon | 23.12.2000 | Darvozabon | «Paxtakor» |
| 4. | Saitov Dilshod | 02.02.1999 | Himoyachi | «Nasaf» |
| 5. | Salimov Alisher | 22.07.1999 | Himoyachi | «Paxtakor» |
| 6. | Alikulov Xusniddin | 04.04.1999 | Himoyachi | «Nasaf» |
| 7. | Kuybokov Nodirbek | 02.08.2000 | Himoyachi | «So‘g‘diyona» |
| 8. | Yuldashev Ibrohim | 05.06.1999 | Himoyachi | «Paxtakor» |
| 9. | Asqarov Boburjon | 09.02.1999 | Himoyachi | «Lokomotiv» |
| 10. | Shaydulov Behruz | 01.12.2000 | Himoyachi | «Surxon» |
| 11. | O‘lmasaliyev Avaz | 27.03.2000 | Himoyachi | «Lokomotiv» |
| 12. | Namozov Muhammadali | 26.10.2000 | Himoyachi | «Surxon» |
| 13. | Sobirjonov Asad | 03.08.2000 | Yarimhimoyachi | «Paxtakor» |
| 14. | Nasriddinov Daniyel | 08.12.1999 | Yarimhimoyachi | «So‘g‘diyona» |
| 15. | Iminov Humoyun | 15.01.2000 | Yarimhimoyachi | «Paxtakor» |
| 16. | Mozgovoy Akmal | 02.04.1999 | Yarimhimoyachi | «Nasaf» |
| 17. | Izzatov Suhrob | 15.02.1999 | Yarimhimoyachi | «Bunyodkor» |
| 18. | Kenjaboyev Islom | 01.09.1999 | Yarimhimoyachi | «Nasaf» |
| 19. | Abdullayev Bek | 11.08.1999 | Yarimhimoyachi | «Qo‘qon-1912» |
| 20. | Alijonov Jovoxir | 28.01.2000 | Yarimhimoyachi | «Lokomotiv» |
| 21. | Saidazimov Kamron | 14.02.1999 | Yarimhimoyachi | «Lokomotiv» |
| 22. | Abdusalomov Jahongir | 21.05.1999 | Yarimhimoyachi | «Mash’al» |
| 23. | Abdurahmonov Shohrux | 19.07.1999 | Hujumchi | «Dinamo» |
| 24. | Qudratullayev Maxmud | 25.05.2000 | Hujumchi | «Metallurg» |
| 25. | Abduhamidov Hamidullo | 23.03.1999 | Hujumchi | «Qo‘qon-1912» |
