Coca Cola Superliga 11-turi doirasida Namanganning “Navbahor” klubi Muborakning “Mash’al” jamoasiga qarshi maydonga tushadi.
Mazkur klublar oliy liga (“Mash’al” Superligada ilk marta ishtirok etyapti) o‘yinlarida 34 marta bir-birlariga qarshi maydonga tushishgan. Ushbu 34ta bahsdan 13tasida jamoamiz g‘olib chiqqan bo‘lsa, 14ta uchrashuvda muborakliklar g‘alaba qozonishgan, 8ta o‘yinda esa tomonlar durangga imzo chekishgan.
“Navbahor” shu kunga qadar “Mash’al”ga qarshi o‘tkazilgan o‘zaro o‘yinlarda 46ta to‘p kiritib, o‘z darvozasidan 42 marta to‘p olib chiqqan.
Mazkur jamoalarning o‘zaro bahslarida namanganliklar 46 ochkoni, “Mash’al” esa 49 ochkoni qo‘lga kiritgan. O‘zaro uchrashuvlardagi eng yirik hisob 1995 yili kuzatilgan. O‘sha yili Namanganda o‘tkazilgan o‘yinda “lochinlar” 8:0 hisobida g‘alaba qozonishgan. Muborakliklar esa 2008 yilgi mavsumda jamoamizni 5:0 hisobida mag‘lubiyatga uchratishgan.
Mazkur o‘yinda “Navbahor” nominal mezbon bo‘lganligi bois, ushbu jamoalarning shu kungacha Namanganda bo‘lib o‘tgan bahslariga to‘xtaladigan bo‘lsak, “lochinlar” o‘z maydonlarida o‘tkazilgan 17ta bahsning 11tasida zafar quchib, 3ta uchrashuvda durangga imzo chekishgan hamda 3ta o‘yinda mag‘lubiyatga uchrashgan.
Namanganda bo‘lib o‘tgan bahslarda “Navbahor” raqib darvozasiga 32ta gol urib, o‘z darvozasidan 10ta to‘p olib chiqqan.
Mazkur klublarning Namanganda 2017 yili o‘tkazilgan bahsida namanganliklar 1:0 hisobida g‘alaba qozonishgan.
Quyida jamoalarning o‘zaro o‘yinlari statistikasiga to‘xtalib o‘tamiz.
1995 yil
“Mash’al” – “Navbahor” – 0:0
“Navbahor” – “Mash’al” – 8:0
1996 yil
“Mash’al” – “Navbahor” – 0:3
“Navbahor” – “Mash’al” – 5:0
2002 yil
“Navbahor” – “Mash’al” – 2:1
“Mash’al” – “Navbahor” – 0:0
2003 yil
“Navbahor” – “Mash’al” – 2:0
“Mash’al” – “Navbahor” – 2:2
2004 yil
“Mash’al” – “Navbahor” – 1:2
“Navbahor” – “Mash’al” – 1:0
2005 yil
“Mash’al” – “Navbahor” – 2:1
“Navbahor” – “Mash’al” – 0:0
2006 yil
“Mash’al” – “Navbahor” – 2:1
“Navbahor” – “Mash’al” – 0:0
2007 yil
“Mash’al” – “Navbahor” – 1:0
“Navbahor” – “Mash’al” – 0:1
2008 yil
“Navbahor” – “Mash’al” – 1:0
“Mash’al” – “Navbahor” – 5:0
2009 yil
“Navbahor” – “Mash’al” – 2:1
“Mash’al” – “Navbahor” – 3:1
2010 yil
“Navbahor” – “Mash’al” – 0:0
“Mash’al” – “Navbahor” – 2:0
2011 yil
“Mash’al” – “Navbahor” – 2:0
“Navbahor” – “Mash’al” – 2:0
2012 yil
“Mash’al” – “Navbahor” – 2:0
“Navbahor” – “Mash’al” – 2:2
2014 yil
“Mash’al” – “Navbahor” – 3:1
“Navbahor” – “Mash’al” – 3:0
2015 yil
“Navbahor” – “Mash’al” – 0:2
“Mash’al” – “Navbahor” – 2:2
2016 yil
“Mash’al” – “Navbahor” – 2:1
“Navbahor” – “Mash’al” – 3:2
2017 yil
“Navbahor” – “Mash’al” – 1:0
“Mash’al” – “Navbahor” – 2:1
Eslatib o‘tamiz, “Navbahor” – “Mash’al” bahsi bugun Toshkentdagi “Jar” stadionida soat 18:30da start oladi.
Bo‘lajak bahsda jamoamizga omad yor bo‘lishini tilaymiz.
“Navbahor” PFK matbuot xizmati.
