Coca Cola Superligasi 12 -tur doirasidan o‘rin olgan “Qo‘qon-1912” - “Andijon”  bahsi 24 avgust kuni Toshkent shahridagi “Jar” stadionida bo‘lib o‘tadi. “Vodiy derbisi” oldidan ushbu jamoalarning o‘zaro o‘yinlardagi statistik ma’lumotlari bilan tanishtirib o‘tamiz.

Ustunlik kim tomonda?
Ushbu jamoalar O‘zbekiston chempionati doirasida 24 marta to‘qnash kelishgan. O‘yinlarning 8 tasida jamoamiz g‘alaba qozongan. 7 ta uchrashuvda durang natija qayd etilgan. 9 ta bahsda andijonliklar qo‘li baland kelgan.

To‘plar nisbati – 42-32 raqibimiz foydasiga. O‘zaro o‘yinlarda “Qo‘qon-1912” jamoasi 31 ochkoni qo‘lga kiritgan. “Andijon”ning bu boradagi ko‘rsatkichi – 34 ochkoga teng.

Ushbu jamoalar ishtirokidagi so‘nggi oltita uchrashuvda qayd etilgan natijalar:
27.11.2019. Andijon -  Qo‘qon-1912 - 1:1
31.03.2019. Qo‘qon-1912 – Andijon - 0:0
13.08.2016. Andijon - Qo‘qon-1912  - 0:2
02.04.2016. Qo‘qon-1912   - Andijon - 1:0
22.08.2015. Andijon - Qo‘qon-1912 - 1:2
11.04.2015. Qo‘qon-1912 - Andijon  - 0:0

Hakamlar
Coca Cola Superligasi 12 -tur doirasidan o‘rin olgan “Qo‘qon-1912” - “Andijon”  bahsini Ahrol Risqullayev boshchiligidagi hakamlar guruhi boshqarib boradi.

Coca Cola Superliga.
12-tur
24 avgust, dushanba
QO‘QON-1912 – ANDIJON
Hakamlar: Ahrol Risqullayev, Olim Abduvosilov, Aleksandr Sidorov, Farruh Yansupov
Nazoratchi: Noil Lutfullin
Komissar: Shohruh Saidov

Boshlanish vaqtlari
"Qo‘qon-1912" - "Andijon" -  uchrashuvi, dushanba kuni Toshkent shahridagi “Jar” stadionida soat 18:30 da start oladi. Bugun esa ushbu jamoalarning o‘rinbosarlari U-21 birinchiligi 12 -turida maydonga tushishadi. Mazkur uchrashuv Toshkent shahridagi  “Bunyodkor” akademiyasiga qarashli stadionda o‘tkaziladi.  Bahsning boshlanish vaqti – 18:00ga belgilangan.