Coca Cola Суперлигаси 12 -тур доирасидан ўрин олган “Қўқон-1912” - “Андижон”  баҳси 24 август куни Тошкент шаҳридаги “Жар” стадионида бўлиб ўтади. “Водий дербиси” олдидан ушбу жамоаларнинг ўзаро ўйинлардаги статистик маълумотлари билан таништириб ўтамиз.

Устунлик ким томонда?
Ушбу жамоалар Ўзбекистон чемпионати доирасида 24 марта тўқнаш келишган. Ўйинларнинг 8 тасида жамоамиз ғалаба қозонган. 7 та учрашувда дуранг натижа қайд этилган. 9 та баҳсда андижонликлар қўли баланд келган.

Тўплар нисбати – 42-32 рақибимиз фойдасига. Ўзаро ўйинларда “Қўқон-1912” жамоаси 31 очкони қўлга киритган. “Андижон”нинг бу борадаги кўрсаткичи – 34 очкога тенг.

Ушбу жамоалар иштирокидаги сўнгги олтита учрашувда қайд этилган натижалар:
27.11.2019. Андижон -  Қўқон-1912 - 1:1
31.03.2019. Қўқон-1912 – Андижон - 0:0
13.08.2016. Андижон - Қўқон-1912  - 0:2
02.04.2016. Қўқон-1912   - Андижон - 1:0
22.08.2015. Андижон - Қўқон-1912 - 1:2
11.04.2015. Қўқон-1912 - Андижон  - 0:0

Ҳакамлар
Coca Cola Суперлигаси 12 -тур доирасидан ўрин олган “Қўқон-1912” - “Андижон”  баҳсини Аҳрол Рисқуллаев бошчилигидаги ҳакамлар гуруҳи бошқариб боради.

Coca Cola Суперлига.
12-тур
24 август, душанба
ҚЎҚОН-1912 – АНДИЖОН
Ҳакамлар: Аҳрол Рисқуллаев, Олим Абдувосилов, Александр Сидоров, Фарруҳ Янсупов
Назоратчи: Ноил Лутфуллин
Комиссар: Шоҳруҳ Саидов

Бошланиш вақтлари
"Қўқон-1912" - "Андижон" -  учрашуви, душанба куни Тошкент шаҳридаги “Жар” стадионида соат 18:30 да старт олади. Бугун эса ушбу жамоаларнинг ўринбосарлари U-21 биринчилиги 12 -турида майдонга тушишади. Мазкур учрашув Тошкент шаҳридаги  “Бунёдкор” академиясига қарашли стадионда ўтказилади.  Баҳснинг бошланиш вақти – 18:00га белгиланган.