O‘zbekiston Superligasi 13-tur doirasidan o‘rin olgan “Navbahor” - “Qo‘qon-1912” bahsi 28 avgust kuni Toshkent shahridagi “Jar” stadionida bo‘lib o‘tadi. “Vodiy derbisi” oldidan ushbu jamoalarning o‘zaro o‘yinlardagi statistik ma’lumotlari bilan tanishtirib o‘tamiz.
O‘zaro o‘yinlar
“Qo‘qon-1912” hamda “Navbahor” klublari shu kungacha 28 bor kuch sinashishgan. 6 ta uchrashuvda “Qo‘qon-1912”ning qo‘li baland kelgan. “Navbahor” 16 ta o‘yinda g‘alaba qozongan. 6 ta o‘yinda durang natija qayd etilgan. To‘plar nisbatida ustunlik “lochinlar” tomonida: 55-30. “Navbahor” o‘zaro o‘yinlarda 54 ochkoga ega bo‘lgan, “Qo‘qon-1912” esa 24 ochkoni qo‘lga kiritgan.
Ushbu jamoalarning so‘nggi oltita uchrashuvda qayd etilgan natijalari bilan tanishing:
01.12.2019 Qo‘qon 1912 – Navbahor - 1:1
10.03.2019 Navbahor – Qo‘qon-1912 – 1:1
31.03.2018 Qo‘qon 1912 – Navbahor - 1:0
10.06.2018 Navbahor – Qo‘qon-1912 – 3:0
12.05.2017 Navbahor – Qo‘qon-1912 – 1:1
21.10.2017 Qo‘qon 1912 – Navbahor - 2:0
Fakt: So‘nggi olti uchrashuvning ikkitasida jamoamiz g‘alaba qozongan, bitta uchrashuvda “Navbahor”ning qo‘li baland kelgan. Uchta bahsda durang natija qayd etilgan.
Hakamlar
Superliga, 13-tur
NAVBAHOR – QO‘QON-1912
Hakamlar: Viktor Serazitdinov, Alisher Usmonov, Sanjar Shoyusupov, Ahmad Ergashev
Nazoratchi: Konstantin Smirnov
Komissar: Muhammad Sodiq Sodiq-Oxunov
Boshlanish vaqtlari
"Navbahor" – “Qo‘qon-1912” uchrashuvi, juma kuni Toshkent shahridagi “Jar” stadionida soat 18:30 da start oladi. Bugun esa ushbu jamoalarning o‘rinbosarlari U-21 birinchiligi 13-turida maydonga tushishadi. Mazkur uchrashuv Toshkent shahridagi “Bunyodkor” akademiyasiga qarashli stadionda o‘tkaziladi. Bahsning boshlanish vaqti – 18:00ga belgilangan.
