"Paxtakor" bosh murabbiyi Shota Arveladze "Andijon" bilan uchrashuvdan so‘ng matbuot anjumanida ishtirok etdi.

"Hech kimga bugungi o‘yinga tayyorgarlik ko‘rilganidek holatni tilamagan bo‘lardim. Birinchi jamoa o‘ynash-o‘ynamasligini bilmaydi, ikkinchisi esa kutadi, o‘yinning bo‘lishini bilmaydi. Bu eng yomoni. Ruhiy tomonlama hozirlik ko‘rish juda qiyin.

Bu o‘yinning o‘tishi "Andijon" uchun, biz uchun, butun o‘zbek futboli uchun juda muhim edi. Superligada o‘yin bekor qilinishi juda ham yoqimsiz holat.

"Andijon" yaxshi himoyalandi. Bundan ko‘proq gol urishimiz mumkin edi. Afsuski, bir nechta qarshi hujumlarni o‘tkazib yubordik. Balki, bu boshqa darajadagi o‘yinda qimmatga tushishi mumkin.

Yaxshi tarafi shuki, bu davrni jarohatlarsiz o‘tkazdik. Sobirjonovning qo‘li sinmagan deb umid qilaman. "Lokomotiv" rahbariyatiga yaxshi maydon va sharoit uchun rahmat aytaman", — Shota Arveladze.