O‘tgan yozda “Real” “Chelsi”dan Eden Azarni sotib olgan va transfer summasi 100 million yevro (89 million f unt) ni tashkil qilgandi. Lekin ma’lum bo‘lishicha, summa biroz kamaytirib aytilgan va aslida ancha ko‘p.

Gap shundaki, transferning ma’lum bir qismi futbolchini tarbiyalagan klubga to‘lanadi va Azar Belgiyaning “Tyubiz” klubi akademiyasi vakilidir. Belgiyalik taniqli jurnalist Kristof Terye Azar transferidan “Tyubiz”ga to‘langan summani aniqlab, haqiqiy transfer narxini oshkor qildi.

Aslida Azar 143 million funt evaziga Madridga o‘tgan. To‘lovlar uch bosqich bo‘lib, 2019 yilda 36 million, 2020 yilda 50 million va 2021 yilda 57 million funt to‘lanishi ko‘zda tutilgan.
Farq 54 million funt – katta summa. “Chelsi” shuncha o‘yinchini qaysi pulga olyapti, “Real” nega hamon bozorda passiv, endi bilsa bo‘ladi.