Superliga 15-turida "Paxtakor" "Buxoro" bilan safar o‘yinida maydonga tushadi.

Jamoalar safida o‘yinni diskvalifikasiya tufayli o‘tkazib yuboradigan futbolchilar mavjud emas.

Chempionatlar tarixida ushbu jamoalar 57 bor o‘zaro bellashgan. 41 bahsda "Paxtakor", 7 bellashuvda "Buxoro" g‘alaba qozongan. 9 to‘qnashuv durang bilan yakunlangan. Raqib darvozasi 130 bor ishg‘ol etilib, buxoroliklar 38 gol urishgan. 15 uchrashuvda "Sherlar" raqibni yirik natija bilan taslim qilgan. 2005 yil eng yirik natija kuzatilgan. Safarda jamoamiz 8:0 hisobida zafar quchgan.

Mehmondagi o‘yinlarda jamoamiz ko‘rsatkichi shunday ko‘rinish olgan: 15 g‘alaba, 7 durang va 6 mag‘lubiyat. "Buxoro" darvozasiga 53 gol urilib, 21 to‘p o‘tkazib yuborilgan. Safarda oxirgi ikki bellashuvda jamoamiz yirik hisobda muvaffaqiyat qozongan.

O‘zaro o‘yinlar to‘purari Server Jeparov sanaladi. U buxoroliklar darvozasiga 10 gol urgan. Dragan Cheran hisobida 9 gol mavjud. Igor Shkvirin 8, Igor Sergeev 7 to‘p muallifi bo‘lgan. Anvar Soliyevda 6, Mirjalol Qosimov, Vladimir Kozak va Zayniddin Tojiyevda 5tadan gol mavjud. Andrey Strelsov va Leonid Koshelev esa 4tadan to‘p muallifiga aylangan. Raqibdan Ilhom Qurbonov hisobida 3 gol bor. Gennadiy Sharipov va Bahodir Pardayev har ikki jamoa safida to‘p kiritishga erishgan.

"Buxoro" va "Paxtakor" jamoalari o‘rtasidagi o‘yin 5 avgust, shanba kuni soat 18:00da "Lokomotiv" stadionida boshlanadi.