«Ajdarlar» Superliganing ikkinchi davrasi 14-turida Navoiyning «Qizilqum» jamoasini qabul qiladi. «Nasaf» – «Qizilqum» uchrashuvi 10 sentyabr kuni Qarshi «Markaziy» stadionida bo‘lib o‘tadi. Mazkur bahs soat 20:00 da boshlanadi.

O‘zaro uchrashuvlar tarixidan

Mazkur jamoalar O‘zbekiston chempionatida shu vaqtga qadar 43 bor kuch sinashishgan. Natijalar «ajdarlar»ning yaqqol ustunligini ko‘rsatmoqda. Bo‘lib o‘tgan 25 uchrashuvda vakillarimiz, 7 o‘yinda esa navoiyliklar zafar quchishgan. 11 uchrashuvda esa durang natija qayd etilgan.

To‘plar nisbati 78:45 ga teng. Ustunlik vakillarimiz tarafida.

O‘zaro uchrashuvlarda qayd etilgan eng yuqori hisoblar quyidagicha: «Nasaf» – «Qizilqum» 7:1, «Qizilqum» – «Nasaf» 3:1.

Jamoalar so‘nggi o‘zaro uchrashuvni 2020 yili 1 mart kuni Navoiyda o‘tkazgan. Bu uchrashuvda 1:3 hisobi qayd etilgan.

E’tiboringizga, jamoalar ishtirokidagi so‘nggi besh uchrashuvning natijalarini havola qilamiz:

01.03.2020      Qizilqum — Nasaf         1:3
14.09.2019      Qizilqum — Nasaf         0:0
10.05.2019      Nasaf — Qizilqum         1:1
10.11.2018      Qizilqum — Nasaf         2:0
02.10.2018      Nasaf — Qizilqum         4:2