Myunxenning "Bavariya" klubi faxriy direktori Uli Xeness jamoa yarim himoyachisi Tyago Alkantaraning kelajagi haqida fikr bildirdi.

"Tyago bilan bog‘liq vaziyat oddiy emas. Ma’lum muddat avval u bilan yangi shartnoma borasida kelishib olgandik. Biroq, oradan ma’lum vaqt o‘tgach, yangi chorlovlarni ko‘rib chiqmoqchi ekanligini aytdi. Bu umuman olganda normal holat. O‘ylaymanki, uning "Liverpul" yoki "Manchester Yunayted" klubi bilan kelishuvi bor. Ehtimol, ikkalasi bilan ham kelishib qo‘ygandir. Lekin, ularning hech qaysi biri "Bavariya"ga hozirgacha rasmiy taklif yuborgani yo‘q. Ular Tyagoni arzonroq olish maqsadida, bizni shantaj qilishmoqchi. O‘ylaymanki, transfer oynasi yopilguniga qadar, uni katta mablag‘ evaziga sotib yuboramiz", - Xenessning so‘zlaridan iqtibos keltirmoqda Sport1.