"Paxtakor" bosh murabbiyi "Al Hilol" bilan OCHL 3-tur o‘yinidan keyin matbuot anjumanida bahs haqida fikrlarini bildirdi.

- Bunday saviyali musobaqada biz futbolning o‘zi haqida gapirishimiz yaxshiroq bo‘lardi, chunki Osiyoning eng kuchli klubiga qarshi o‘ynadik. Qizil kartochka berilishidan avval to‘p oshirilganda o‘yindan tashqari holat bor edi. Shuningdek, bizning hujum paytida futbolchimizga qo‘pollik ishlatilgandi. Bu judayam og‘riqli. Kiyinish xonasida ularga qarash qiyin. Afsuski, bunday qo‘pol xatolar judayam og‘riqli. Biz yana qaytamiz. Futboldagi odamlar esa kamroq xato qilishlariga umid qilamiz. Ular qarorlarini o‘zgartirishmoqda, oson follarni berishmoqda. Kimdir ko‘rsatishi bilan qarorlari o‘zgarmoqda. Bunday darajadagi turnirda yuqori saviyali hakamlar bo‘lishi kerak, ammo bu holat bizni xafa qildi.

Bunday darajadagi o‘yinlarda 3-4 imkoniyatdan foydalanib qolish kerak. Bunga intilish lozim. Lekin bu hali bizning eng yaxshi o‘yinimiz, eng yuqori darajamiz emas. Biz yaxshiroq o‘yin ko‘rsata olamiz.

Biz oldinga umid bilan boqamiz. Ishimiz futbolchilarni ruhlantirish. Endi bu tarix ekanligini ularga uqtiramiz. Bugungi o‘yin tugab bo‘ldi. Tezroq tiklanib, yigitlarga navbatdagi bellashuv haqida so‘ylaymiz. Oldinda uch bahs kutmoqda. Raqib haqida ma’lum xulosalarga egaman, ammo bu hozircha yon daftarchamda bitilgan. Buni yigitlarga aytaman. Keyingi bellashuvda biz o‘zimiz xohlagandek o‘ynashga harakat qilamiz.