Londonning «Chelsi» hamda Braziliya terma jamoasi sobiq futbolchisi, ayni paytda faoliyatini Xitoyning «Shanxay SIPG» klubida davom ettirayotgan Oskar Yevropaga qaytish xohishi borligini bildirdi.
- Men haqiqatdan ham Yevropaga qaytishni xohlayman. Biroq, hozir emas. Ayni paytda bu yerda o‘zimni juda yaxshi his qilyapman, Xitoyda mening shartnomam bor, umid qilamanki, shartnomamni oxirigacha yakuniga yetkazib qo‘yaman. Yevropaga qaytish borasida taklif oldim. Lekin buni hozir amalga oshirish mushkul, Yevropa qaytish borasida muammolar bor. Shu sababli, bu yerda shartnomamning oxirigacha o‘ynamoqchiman va shundan so‘nggina Yevropaga qaytishni o‘ylayman. Albatta, Yevropaga qaytish imkoni bo‘lsa «Chelsi»ni tanlagan bo‘lardim. Lekin, men bolaligimda ko‘plab Italiya klublarini kuzatganman, chunki, u yerda braziliyalik futbolchilar ko‘p edi. Shuning uchun Italiyada menga yoqadigan bir nechta klublar bor, masalan «Inter», «Milan». Agar Yevropaga qaytadigan bo‘lsam, faqat Italiya chempionatiga yo‘l olaman, — Oskarning so‘zlaridan iqtibos keltirmoqda Fox Sports Brasil.
