Coca-Cola Superligasi 15-turidan o‘rin olgan "Andijon" - "Nasaf" (0:1) uchrashuvidan so‘ng "Andijon" jamoasi murabbiyi Baxtiyor Hamidullayev matbuot anjumanida jurnalistlar savollariga javob berdi

- "Nasaf"ni qanday jamoa ekanligini, bu jamoaga qarshi ochiq o‘yin qilsak hisob yanada yirikroq ko‘rinish olishi mumkin edi, shuning uchun ikkinchi jamoa bo‘lib o‘ynashga harakat qildik. O‘ylaymanki yaxshi vaziyatlar yetarlicha bo‘ldi lekin hamon o‘sha xolat kuzatilmoqda. O‘tgan safar aytib o‘tganimdek markaziy futbolchilarimiz bilan ishladik, ancha yaxshi tomonga o‘zgarish kuzatildi. Hujumga o‘tish bo‘yichaham ishlayapmiz, keyingi o‘yinda bundanham yaxshi bo‘ladi

- O‘yin so‘nggida Ismonaliyev Farhod Bekmurodov bilan o‘rin almashgan holda oldinga o‘tib harakatlandi, bu sizning ko‘rsatmangiz edimi?

- Yo‘q, bugungi uchrashuvdaham Usmonning hatosi bilan gol o‘tkazib yubordik, shuning uchun so‘ngi daqiqalarda aybini yuvish maqsadida oldinga o‘tib harakatlandi. Bu meni ko‘rsatman emasdi.

- Hozirgi kunda sizning yordamchingiz bo‘lgan murabbiyni yoniga yana bir "Andijon" jamoasining sobiq futbolchilaridan yordamchi sifatida olishingiz mumkinmi?

- Ha mumkin, yordamchi murabbiy kerak, hozirda shu haqida o‘ylab turipmiz.

- Bugungi uchrashuvda debyut o‘yinini o‘tkazgan Jamshid Homidovni ikkinchi Baxtiyor Hamidullayev desak bo‘ladimi?

- Menimcha maydonga tushib o‘yinni buzib qo‘ymadi, qaytangi o‘yinni kuchaytirdi. Bizning e’tiborimiz asosan yoshlarga qaratilgan. Rahbariyat tomonidanham yoshlarga e’tibor berish kerakligi haqida vazifa qo‘yilgan. Yana yoshlar yetarlicha, bularni keyingi o‘yinlarda sinab ko‘ramiz.