Qatarda markazlashgan tizimda o‘tkazilayotgan Osiyo Chempionlar ligasi 3-turidan keyin Saudiya Arabistonining «Al Hilol» klubida yana bir futbolchi koronovirus yuqtirib olgani ma’lum bo‘ldi.

Klub rasmiy saytining xabar berishicha, 3-tur doirasida «Paxtakor»ga qarshi to‘p surgan Ar-Riyod klubining qanot himoyachisi Yosir Ash-SHahroniy topshirgan test natijalari musbatni ko‘rsatgan. Hozirga kelib futbolchi alohida nazoratga olinib, bugungi bahsga maydonga tushmaydi.

Ma’lumot uchun, «Al Hilol» OCHL 4-turi doirasida bugun, 17 sentyabr kuni «Paxtakor»ga qarshi maydonga tushadi. O‘yin Toshkent vaqti bilan soat 23:00da boshlanadi.