Қатарда марказлашган тизимда ўтказилаётган Осиё Чемпионлар лигаси 3-туридан кейин Саудия Арабистонининг «Ал Ҳилол» клубида яна бир футболчи короновирус юқтириб олгани маълум бўлди.
Клуб расмий сайтининг хабар беришича, 3-тур доирасида «Пахтакор»га қарши тўп сурган Ар-Риёд клубининг қанот ҳимоячиси Ёсир Аш-Шаҳроний топширган тест натижалари мусбатни кўрсатган. Ҳозирга келиб футболчи алоҳида назоратга олиниб, бугунги баҳсга майдонга тушмайди.
Маълумот учун, «Ал Ҳилол» ОЧЛ 4-тури доирасида бугун, 17 сентябрь куни «Пахтакор»га қарши майдонга тушади. Ўйин Тошкент вақти билан соат 23:00да бошланади.
