Ushbu ruknimizdagi eng so‘nggi yangiliklar bilan tanishtirishda davom etamiz.
Suares “Yuventus”ga kerakmi?
Italiyaning “Yuventus” klubi “Barselona” hujumchisi Luis Suaresning transferi borasida yakuniy qarorga keldi.
“Calciomecato” nashrining ma’lum qilishicha, jamoa urugvaylik hujumchining transferidan voz kechdi.
Manbaning ma’lum qilishicha, klub endilikda bor e’tiborini “Roma” forvordi Edin Jekoga qaratmoqchi.
Ma’lumotlarga qaraganda, “Yuventus” agar Suares Kataloniya klubini bepul tark etsagina “zebralar” a’zosiga aylanishi mumkin.
Under APLda!
Rimning “Roma” klubi hujumchisi Jengiz Under tez orada “Lester” klubi a’zosiga aylanadi.
“The Sun” nashrining ma’lum qilishicha, futbolchini “tulkilar” 3 million yevro evaziga ijaraga oladi. Mavsum so‘nggida esa, 27 million yevro evaziga Underning transferi to‘liq sotib olinadi.
Manbaning ma’lum qilishicha, turkiyalik futbolchi ertaga “Lester” klubi bazasida tibbiy ko‘rikdan o‘tadi.
“Barsa” Semeduni sotmoqchi
Kataloniyaning “Barselona” jamoasi qanoy himoyachisi Nelson Semedu borasida yakuniy qarorga keldi.
Unga ko‘ra, jamoa portugaliyalik futbolchi uchun 40-45 million yevro taklif qilgan jamoaga uni o‘z safiga qo‘shib olishi mumkin.
“Mundo Deportivo” nashrining ma’lum qilishicha, Kataloniya klubi Semedu bilan “Manchester Siti” va PSJ jamoalari qiziqib qolgan.
“Arsenal” Auarni qo‘lga kiritdimi?
Angliyaning “Arsenal” jamoasi “Lion” yarim himoyachisi Ussem Auarni qo‘lga kiritishga juda yaqin turibdi.
Exspress nashrining ma’lum qilishicha, futbolchi allaqachon London klubi shaxsiy shartnoma borasida kelishuvga erishgan.
“L'equipe” nashri esa, yarim himoyachi “Lion”ga allaqachon boshqa jamoaga o‘tmoqchi ekanligini ma’lum qilgani haqida xabar tarqatmoqda.
Depay “A Seriya”da?!
“Lion” jamoasi yetakchisi Memfis Depay faoliyatini Italiyada davom ettirishi mumkin.
LGDS nashrining ma’lum qilishicha, “Milan” gollandiyalik futblchini qo‘lga kiritish uchun 35 million yevro va Lukas Paketani taklif qilmoqda.
Manbaning ma’lum qilishicha, Depayning klub bilan o‘rtadagi shartnomasi kelasi yili o‘z yakuniga yetadi. Shu sababli, “taqachilar” uni erkin agent sifatida qo‘yib yubormoqchi emas.
