Hujumchi Andrea Pinamonti "Jenoa"dan "Inter" klubiga qaytdi, deya xabar bermoqda "neradzurrilar" rasmiy sayti.
Eslatib o‘tamiz, 21 yoshli Pinamonti "Inter" tarbiyalanuvchisi sanaladi. U "Inter"ning asosiy tarkibida 5 ta uchrashuvda maydonga tushgan. Yakuniga yetgan mavsumda u "Jenoa" tarkibida ijara asosida to‘p surdi va 34 ta uchrashuvda 7 ta gol kiritdi.
Sentyabr oyida genuyaliklar Pinamontining transferini 19,5 million yevroga sotib olgandi. Biroq, "Inter" shartnomada ko‘rsatilgan keyinchalik 20 million yevroga qaytarib sotib olish huquqidan foydalanib, o‘z futbolchisini ortga qaytardi.
