Madridning "Real" klubi La Liganing dastlabki uchrashuvidayoq ochko yo‘qotdi. «Real Sosyedad» klubiga qarshi bo‘lib o‘tgan uchrashuvdan keyin madridliklar bosh murabbiyi Zinedin Zidan uchrashuv haqidagi fikrlari bilan o‘rtoqlashdi.
«G‘alaba uchun maydonga tushgan bo‘lishimizga qaramasdan, ikki ochko yo‘qotdik. Yomon o‘yin namoyish etmadik, o‘z darvozamiz dahlsizligini saqlab qoldik. Birinchi bo‘limning o‘zidayoq juda ko‘plab imkoniyatlarga ega bo‘ldik.
Edegorning debyutidan qoniqdim. Uni yana o‘sishini kutish mumkin», – dedi Zidan.
«Real» keyingi o‘yinini «Betis» klubiga qarshi safarda o‘tkazadi.
