Мадриднинг "Реал" клуби Ла Лиганинг дастлабки учрашувидаёқ очко йўқотди. «Реал Сосьедад» клубига қарши бўлиб ўтган учрашувдан кейин мадридликлар бош мураббийи Зинедин Зидан учрашув ҳақидаги фикрлари билан ўртоқлашди.
«Ғалаба учун майдонга тушган бўлишимизга қарамасдан, икки очко йўқотдик. Ёмон ўйин намойиш этмадик, ўз дарвозамиз даҳлсизлигини сақлаб қолдик. Биринчи бўлимнинг ўзидаёқ жуда кўплаб имкониятларга эга бўлдик.
Эдегорнинг дебютидан қониқдим. Уни яна ўсишини кутиш мумкин», – деди Зидан.
«Реал» кейинги ўйинини «Бетис» клубига қарши сафарда ўтказади.
