«Milan» hujumchisi Zlatan Ibrahimovich «Bolonya»ga qarshi bo‘lib o‘tgan o‘yin (2:0) borasida o‘z fikrini bildirib o‘tdi. Shvesiyalik futbolchi kecha 2ta gol muallifiga aylandi.

«Men yaxshi formadaman, o‘z ustimda ishlayapman. Biz g‘alaba qozondik, ammo yanada ko‘proq gol urishimiz mumkin edi. Shaxsan o‘zim, agar 20 yosh bo‘lganimda, yana 2ta gol urgan bo‘lardim.

Men qariya emasman, men Benjamin Batton kabiman — qarilikdan boshlab, yosh bo‘lib o‘laman. Agar jiddiy gapirsam, jamoa jiddiy ishladi. Hali 100 foizga tayyor emasmiz, shuning uchun ayrim xatolarga yo‘l qo‘ydik.

Maqsad — o‘tgan mavsumdagidan yaxshiroq o‘ynash. Yoshlar o‘z ustida sidqidildan ishlashmoqda, gapga quloq solishmoqda va intizomga amal qilishmoqda. Joriy mavsumda biz har bir o‘yinga diqqat bilan yondashishimiz va har bir bahsni final kabi qabul qilishimiz kerak.

Mas’uliyatni o‘z zimmamga olish menga yoqadi. Insonlar mening yoshimni muhokama qilishlarini istamayman. Men 38 yoshda ekanim muhim emas. Menga 20 yoshli yigitdek munosabatda bo‘lishlarini hamda yoshlarga nisbatan mashg‘ulotda qo‘yiladigan talablarni qo‘yishlarini istayman», — dedi Ibrahimovich.