Кириш Регистрация

Ибраҳимович: «Агар 20 ёш бўлганимда яна 2та гол урган бўлардим»

Баҳо:
+ | -

«Милан» ҳужумчиси Златан Ибраҳимович «Болонья»га қарши бўлиб ўтган ўйин (2:0) борасида ўз фикрини билдириб ўтди. Швециялик футболчи кеча 2та гол муаллифига айланди.

«Мен яхши формадаман, ўз устимда ишлаяпман. Биз ғалаба қозондик, аммо янада кўпроқ гол уришимиз мумкин эди. Шахсан ўзим, агар 20 ёш бўлганимда, яна 2та гол урган бўлардим.

Мен қария эмасман, мен Бенжамин Баттон кабиман — қариликдан бошлаб, ёш бўлиб ўламан. Агар жиддий гапирсам, жамоа жиддий ишлади. Ҳали 100 фоизга тайёр эмасмиз, шунинг учун айрим хатоларга йўл қўйдик.

Мақсад — ўтган мавсумдагидан яхшироқ ўйнаш. Ёшлар ўз устида сидқидилдан ишлашмоқда, гапга қулоқ солишмоқда ва интизомга амал қилишмоқда. Жорий мавсумда биз ҳар бир ўйинга диққат билан ёндашишимиз ва ҳар бир баҳсни финал каби қабул қилишимиз керак.

Масъулиятни ўз зиммамга олиш менга ёқади. Инсонлар менинг ёшимни муҳокама қилишларини истамайман. Мен 38 ёшда эканим муҳим эмас. Менга 20 ёшли йигитдек муносабатда бўлишларини ҳамда ёшларга нисбатан машғулотда қўйиладиган талабларни қўйишларини истайман», — деди Ибраҳимович.

Манба: sport24.ru
Киритилди: 06:49, 22.09.2020.
Ўқилди: 3113 марта.
Фикрлар: 0 та.

ЭНГ КЎП ЎҚИЛГАН ЯНГИЛИКЛАР

Асосий сахифа
© STADION.UZ
Гувоҳнома №0917. Берилган санаси: 02.12.2013. Муассис: «OSIYO KABEL» МЧЖ. Бош муҳаррир: Бўронов Олимхўжа Азимхўжа ўғли. Таҳририят манзили: 100057, Тошкент шаҳри, Уста Ширин 125. E-mail: admin@stadion.uz
Барча ҳуқуқлар ҳимояланган. Сайт материалларидан тўлиқ ёки қисман фойдаланилганда веб-сайт манзили кўрсатилиши шарт.
Блогдаги материаллар учун блог эгаси, хабарлар остидаги фикрлар учун фойдаланувчининг ўзи жавобгар.