"Shahr Hodro" va "Paxtakor" o‘yinidan oldin "sherlar" hujumchisi Eren Derdiyo‘q matbuot anjumanida qatnashishdi.
- Biz uch o‘yin o‘tkazdik va ularning barchasida g‘alaba qozonishga harakat qildik. Oxirgi tur bahsi esa o‘z-o‘zidan biz uchun finaldek bo‘ladi. Ertaga eng yaxshi o‘yinlarimizdan birini ko‘rsatishga va guruhdan chiqishga harakat qilamiz.
"Paxtakor" juda katta potensialga ega jamoa va klub. Keyingi bosqichga chiqish uchun juda yaxshi imkoniyatga egamiz. Biz butun mamlakat sharafini himoya qilayotganimizni tushunib turibmiz va maqsadga yetish uchun oldinga intilamiz.
