Italiyaning «Milan» klubi hujumchisi Ante Rebich ikki hafta jarohat sababli maydonga tusha olmasligi haqida «rossonerlar» rasmiy sayti xabar bermoqda.

Futbolchi A Seriyaning 2-turida «Krotone» (2:0) klubiga qarshi uchrashuvning 57-daqiqasida maydonni tark etgandi. Xorvatiyalik futbolchi to‘p uchun kurashda maydonga qulagandi va tirsagi bilan noqulay yiqilib jarohat olgandi.

Shifokorlar Rebichni tibbiy ko‘rikdan o‘tkazishdi va suyaklari shikastlangani haqida xabar berishdi. Shu sababli, futbolchi ikki hafta maydondan chetda qoladigan bo‘ldi.

Shu tariqa Rebich «Milan»ning kelayotgan ikki uchrashuvida maydonga tusha olmaydi, biroq, 17 oktyabr kuni «Inter» klubiga qarshi derbida maydonga tushishi mumkin.