Italiyaning «Jenoa» klubi o‘zining rasmiy sayti orqali 14 nafar a’zosi koronavirus infeksiyasiga chalinganligini rasman xabar qildi. Bayonotda aytilishicha, ushbu kasallik futbolchi, murabbiy va klubning boshqa xodimlarida aniqlangan.
Endi «Napoli» klubi futbolchi va murabbiylari Kovid-19 uchun test topshirishlariga to‘g‘ri keladi. Chunki, kuni kecha "Napoli" "Jenoa" klubi bilan o‘ynagandi. Yakshanba kuni esa neapolliklar A Seriyaning 3-tur doirasida «Yuventus» klubiga qarshi o‘ynashi kerak. Hozircha ushbu bo‘lajak uchrashuvning taqdiri so‘roq ostida turibdi. Shuningdek, 3 oktyabr kuni bo‘lib o‘tishi kerak bo‘lgan «Jenoa» – «Torino» jamoalari o‘rtasidagi bahs ham o‘tkazilishi mavhumligicha qolmoqda.
