Италиянинг «Женоа» клуби ўзининг расмий сайти орқали 14 нафар аъзоси коронавирус инфекциясига чалинганлигини расман хабар қилди. Баёнотда айтилишича, ушбу касаллик футболчи, мураббий ва клубнинг бошқа ходимларида аниқланган.
Энди «Наполи» клуби футболчи ва мураббийлари Ковид-19 учун тест топширишларига тўғри келади. Чунки, куни кеча "Наполи" "Женоа" клуби билан ўйнаганди. Якшанба куни эса неаполликлар А Сериянинг 3-тур доирасида «Ювентус» клубига қарши ўйнаши керак. Ҳозирча ушбу бўлажак учрашувнинг тақдири сўроқ остида турибди. Шунингдек, 3 октябрь куни бўлиб ўтиши керак бўлган «Женоа» – «Торино» жамоалари ўртасидаги баҳс ҳам ўтказилиши мавҳумлигича қолмоқда.
