Myunxenning «Bavariya» klubi bosh murabbiyi Xansi Flik Dortmundning «Borussiya» klubiga qarshi bo‘lib o‘tadigan uchrashuvdan oldingi fikrlari bilan o‘rtoqlashdi.
«Bu nemis futbolining haqiqiy klassikasi. Dortmundliklar fantastik yosh jamoaga ega. Shu bilan birga ularning tarkibida tajribali futbolchilar ham bor. «Borussiya» hujumda juda samarali o‘ynaydi.
Biz «Xoffenxaym»ga mag‘lub bo‘ldik, ammo, undan oldin ajoyib g‘alaba va sovrinlarni qo‘lga kiritgandik. O‘zimizga bo‘lgan ishonchimiz yuqori edi.
Menga Favrning falsafasi yoqadi. «Borussiya» hujum qiladi va to‘pni nazorat qilishga intiladi. Bu «Bavariya» uchun ajoyib tekshiruv bo‘ladi. Oldimizda turgan uchrashuv bizni kuchli qiladi», - Flikning so‘zlaridan iqtibos keltirmoqda «Bavariya» rasmiy sayti.
