Мюнхеннинг «Бавария» клуби бош мураббийи Ханси Флик Дортмунднинг «Боруссия» клубига қарши бўлиб ўтадиган учрашувдан олдинги фикрлари билан ўртоқлашди.

«Бу немис футболининг ҳақиқий классикаси. Дортмундликлар фантастик ёш жамоага эга. Шу билан бирга уларнинг таркибида тажрибали футболчилар ҳам бор. «Боруссия» ҳужумда жуда самарали ўйнайди.

Биз «Хоффенхайм»га мағлуб бўлдик, аммо, ундан олдин ажойиб ғалаба ва совринларни қўлга киритгандик. Ўзимизга бўлган ишончимиз юқори эди.

Менга Фаврнинг фалсафаси ёқади. «Боруссия» ҳужум қилади ва тўпни назорат қилишга интилади. Бу «Бавария» учун ажойиб текширув бўлади. Олдимизда турган учрашув бизни кучли қилади», - Фликнинг сўзларидан иқтибос келтирмоқда «Бавария» расмий сайти.