Superligasi 18-turidan o‘rin olgan "Metallurg"-"Andijon" (1:1) uchrashuvidan so‘ng, "Andijon" murabbiyi Baxtiyor Xamidullayev jurnalistlar savollariga javob berdi

– Biz niyatimizga yetdik desam to‘g‘ri bo‘ladi, asosan durrang uchun tashrif buyurgan edik. O‘ylaymanki bugun yaxshi o‘yin bo‘ldi.

– Jamoani legionerlar tark etdi, va bir uchrashuvda durrang, yana bir uchrashuvda esa g‘alaba qozonildi. Oldingi o‘yinlarda legionerlarning ta’siri bo‘layotganmidi?

Bir tarafdan to‘g‘ri. Jamoaga kelganimda pandemiya sabab futbolchilar holati juda yomon edi, so‘ngra futbolchilar bilan ishladik. Yigitlarga rahmat, mashg‘ulotlarda ham o‘yinda ham borini berib harakat qilishyapti. O‘ylaymanki, o‘zimizning mahalliy futbolchilar bilan ham natija qilsa bo‘lar ekan.

– Jamoa tarkibiga eronlik murabbiy kelishi haqida gap so‘zlar tarqaldi. Bu qanchalik to‘g‘ri?

Yo‘q bu shunchaki mish-mish, men ham bu xabarni sizdan eshitib turibman.

– Jamoaning moliyaviy holati yaxshilandimi?

Albatta yaxshilandi. Rahbariyatimiz jamoani qarzlarini o‘z bo‘yniga olgan, futbolchilarga oylik maoshlari to‘lab berilyapti. O‘tgan o‘yinning mukofotini ham olishga ulgurdik.