Суперлигаси 18-туридан ўрин олган "Металлург"-"Aндижон" (1:1) учрашувидан сўнг, "Aндижон" мураббийи Бахтиёр Хамидуллайев журналистлар саволларига жавоб берди
– Биз ниятимизга етдик десам тўғри бўлади, асосан дурранг учун ташриф буюрган эдик. Ўйлайманки бугун яхши ўйин бўлди.
– Жамоани легионерлар тарк этди, ва бир учрашувда дурранг, яна бир учрашувда эса ғалаба қозонилди. Олдинги ўйинларда легионерларнинг таъсири бўлаётганмиди?
Бир тарафдан тўғри. Жамоага келганимда пандемия сабаб футболчилар ҳолати жуда ёмон эди, сўнгра футболчилар билан ишладик. Йигитларга раҳмат, машғулотларда ҳам ўйинда ҳам борини бериб ҳаракат қилишяпти. Ўйлайманки, ўзимизнинг маҳаллий футболчилар билан ҳам натижа қилса бўлар экан.
– Жамоа таркибига эронлик мураббий келиши ҳақида гап сўзлар тарқалди. Бу қанчалик тўғри?
Йўқ бу шунчаки миш-миш, мен ҳам бу хабарни сиздан эшитиб турибман.
– Жамоанинг молиявий ҳолати яхшиландими?
Aлбатта яхшиланди. Раҳбариятимиз жамоани қарзларини ўз бўйнига олган, футболчиларга ойлик маошлари тўлаб бериляпти. Ўтган ўйиннинг мукофотини ҳам олишга улгурдик.
