"Liverpul" vingeri Sadio Mane koronavirusga chalinganidan so‘ng sog‘lig‘i haqida ma’lumot berdi.
"Test sinovlaridan ijobiy chiqdi, lekin o‘zimni yaxshi his qilyapman, og‘ir alomatlar yo‘q. Men karantindaman va tiklanish jarayonini davom ettirmoqdaman. Ikkinchi to‘lqindan qochish, o‘zingizni va yaqinlaringizni himoya qilish uchun xavfsizligingizga ishonch hosil qilishingiz va barcha qoidalarga rioya qilishingizni so‘rayman. Men avvalgiga qaraganda kuchliroq bo‘laman. Biz buni birgalikda yengib chiqamiz", – deb yozdi Senegal yulduzi o‘z instagramida.
Mane – "Liverpul"ning COVID-19 bilan kasallangan ikkinchi o‘yinchisi, ilgari infeksiya jamoaning yangi o‘yinchisi Tyago Alkantarada topilgan.
