Angliya chempionatining 4-turi doirasida «Lester Siti» klubi o‘z uyida «Vest Xem»ni qabul qilib, kutilmaganda, yirik hisobda yutqazdi.

Bahsning 14-daqiqasida Maykl Antonio mehmonlarni oldinga olib chiqqan bo‘lsa, oradan 20 daqiqa o‘tib Fornals hisobdagi farqni oshirdi.

Ikkinchi bo‘limda esa "tulkilar"ning barcha harakatlari besamar ketdi. Aksincha o‘yin tugashiga 7 daqiqa qolganida "bolg‘achilar" uchinchi golni urishga muvaffaq bo‘lishdi.

Brendan Rodjers shogirdlari mavsumning dastlabki 3ta bahsini g‘alaba bilan boshlab, to‘rtinchi turda ochko yo‘qotishdi. "Vest Xem"ning ochkolari esa 6taga yetdi.

Angliya chempionati, 4-tur
Lester – Vest Xem 0:3 (0:2, 0:1)
Gollar: 0:1 – 14 Antonio, 0:2 – 34 Fornals, 0:3 – 83 Bouen.
Lester – Shmeyxel, Evans, Djastin, Kastan, Seyundjyu, Tilemans, Amarti (Under, 55), Mendi (Chouduri, 89), Barns, Peres (Ixeanacho, 64), Vardi.
Vest Xem – Fabianski, Balbuena, Soufal, Kressuell, Masuaku, Fornals, Rays, Bouen (Nobl, 88), Souchek, Ogbonna, Antonio (Aller, 88).
Ogohlantirishlar: Mendi (24), Evans (53), Fornals (67), Soufal (80).