Англия чемпионатининг 4-тури доирасида «Лестер Сити» клуби ўз уйида «Вест Хэм»ни қабул қилиб, кутилмаганда, йирик ҳисобда ютқазди.

Баҳснинг 14-дақиқасида Майкл Антонио меҳмонларни олдинга олиб чиққан бўлса, орадан 20 дақиқа ўтиб Форнальс ҳисобдаги фарқни оширди.

Иккинчи бўлимда эса "тулкилар"нинг барча ҳаракатлари бесамар кетди. Аксинча ўйин тугашига 7 дақиқа қолганида "болғачилар" учинчи голни уришга муваффақ бўлишди.

Брендан Роджерс шогирдлари мавсумнинг дастлабки 3та баҳсини ғалаба билан бошлаб, тўртинчи турда очко йўқотишди. "Вест Хэм"нинг очколари эса 6тага етди.

Англия чемпионати, 4-тур
Лестер – Вест Хэм 0:3 (0:2, 0:1)
Голлар: 0:1 – 14 Антонио, 0:2 – 34 Форнальс, 0:3 – 83 Боуэн.
Лестер – Шмейхель, Эванс, Джастин, Кастань, Сеюнджю, Тилеманс, Амарти (Ундер, 55), Менди (Чоудури, 89), Барнс, Перес (Ихеаначо, 64), Варди.
Вест Хэм – Фабианьски, Бальбуэна, Цоуфал, Крессуэлл, Масуаку, Форнальс, Райс, Боуэн (Нобл, 88), Соучек, Огбонна, Антонио (Аллер, 88).
Огоҳлантиришлар: Менди (24), Эванс (53), Форнальс (67), Цоуфал (80).