Stadion.uz kecha Turinda bo‘lib o‘tgan voqeaga oydinlik kiritadi.

Kecha tunda e’lon qilingan xabarlarni o‘qigan bo‘lsangiz kerak.

•  «Napoli»ning ikkita futbolchisida Koronavirus aniqlandi. Zelinski va Elmas uchrashuvda ishtirok eta olmaydi.

•  Shunga qaramay, «Napoli» «Yuve»ga qarshi uchrashuvda maydonga tushish uchun sog‘liqni saqlash organlari uchun iltimosnoma yubordi. Shu yo‘sinda klub manfiy test javobiga ega futbolchilar bilan maydonga tushmoqchi edi.

•  Kutilmaganda, ASL «Napoli»ga uchrashuvda maydonga tushishga ruxsat bermadi, ammo Neapol klubi allaqachon yo‘lda edi.

•  Liganing qonunlariga ko‘ra uchrashuv boshqa vaqtga ko‘chirilishi mumkin edi, ammo buning uchun mahalliy hokimiyat uchrashuvga ruxsat bermasligi lozim. Liga esa, o‘z ijtimoiy tarmoqlarida o‘yin albatta bo‘lib o‘tishini rasman e’lon qildi. Endi jamoalar aytilgan vaqtda maydonda bo‘lishi lozim!

•  «Napoli» maydonga chiqmadi. «Yuventus» esa, barchasini bilib tursada o‘yin oldi qilinishi kerak bo‘lgan ishlarning barchasini amalga oshirdi.

Avvaliga Twitter Turin klubi asosiy tarkibni e’lon qildi.

Keyin butun jamoa stadionga tashrif buyurdi.

Hatto muxlislarni uchrashuvni tomosha qilish uchun stadionga ham kiritishdi.

Bu paytda “A Seriya”ning "Twitter"dagi rasmiy sahifasida uchrashuv haqida qiziqarli statistikalar ko‘rsatilgan surat e’lon qilindi. Jamoalarning 4 ta o‘yindan beri bir-birining darvozasini ishg‘ol etayotgani ma’lum qilindi.

Bu orada muxlislar stadionni to‘ldirishni boshlashdi. Uchrashuv boshlanishiga 46 daqiqa qolganda limit bo‘yicha barcha o‘rindiqlar band edi. Turinlik muxlislar «Napoli»ning maydonga chiqishini kuta boshlashdi.

Buffon esa, o‘z faoliyatida ilk bor to‘qnash kelayotgan vaziyatida norozi kayfiyatda ekanligini yashirib o‘tirmadi.

«Yuventus»ning uy arenasida jamoalarning asosiy tarkiblari e’lon qilindi. Translyasiya rejissyorlari uchrashuvni suratga olishni boshla yuborishdi.

«Keksa sinyora» stadionga yetib kelib, hatto asosiy tarkibni e’lon qildi. Ammo neapolliklar o‘yinga tashrif buyurishmadi. Neapol shahri hukumati tibbiy nuqtai nazardan jamoaning mazkur o‘yinda ishtirok etishiga ruxsat bermadi.

Klub bugun tushdan keyin bayonot berib, «Napoli» mamlakat bo‘ylab xavfsiz harakat qila olmasligini ma’lum qilgan edi. A seriya esa «Napoli»ning «Yuventus»ga qarshi o‘yinda ishtirok etish imkoniyati cheklanganini isbotlay olmasligini ta’kidladi.

Endi reglamentga ko‘ra, turinliklarga texnik g‘alaba yozilishi kerak, lekin A seriya protokoli bunday holatlarda sog‘liqni saqlash organlari yoki hukumatga istisno qilish imkonini beradi. Shuning uchun, «Napoli»ga texnik mag‘lubiyat yozilsa, jamoa bu qaror ustidan shikoyat kiritadi.

"Reppublica" nashrining ma’lum qilishicha, «Napoli» ushbu voqea borasida appelyasiyaga murojaat etmoqchi.

Bu orada, o‘yinni tasvirga olish uchun tashrif buyurgan tasvirchilar ishga kirishib ketishdi. Afsuski, bu voqeadan so‘ng, “A Seriya”ning obro‘siga jiddiy putur yetdi. Yevropaning ko‘plab nashrlari bugundan boshlab musobaqa tashkilotchilarini turli hazillar bilan ko‘mib tashlamoqda.