Angliya terma jamoasiga chaqirilgan uchta futbolchi ayni damda mojaro markazida. Gap shundaki, Dortmundning "Borussiya" klubi vingeri Jeydon Sancho va "Chelsi" futbolchilari — Temmi Abraham va Ben Chiluellar koronavirusga qarshi protokolni buzdilar. Abraham o‘zining 23 yoshini nishonlagan va jamoadoshlarini ziyofatga taklif qilgan.
Tadbirda 20 ga yaqin kishi qatnashdi, Buyuk Britaniya hukumati esa 6 kishidan ko‘proq odamning ommaviy yig‘ilishini taqiqlagan.
Britaniya OAV xabarlariga ko‘ra, Angliya terma jamoasi bosh murabbiyi Garet Sautgeyt voqeadan xabar topgach, g‘azablangan.
Eslatib o‘tamiz, so‘nggi o‘quv-mashg‘ulot yig‘inida "Manchester Siti" yarim himoyachisi Fil Foden va "Manchester Yunayted" hujumchisi Meyson Grinvud mojaro bilan terma jamoadan chetlatilgandi. Yosh futbolchilar pandemiya paytida qoidalarni buzgan holda qizlarni mehmonxonaga olib kelishgandi. Ushbu voqeadan keyin Foden va Grinvud milliy jamoaga bo‘lajak o‘yinlarga chaqiruv olmadilar.
Sancho, Abraham va Chiluell allaqachon jamoatchilikdan kechirim so‘rashgan. Ular terma jamoadan chetlatiladimi yoki yo‘qmi, hozircha ma’lum emas.
