Aнглия терма жамоасига чақирилган учта футболчи айни дамда можаро марказида. Гап шундаки, Дортмунднинг "Боруссия" клуби вингери Жейдон Санчо ва "Челси" футболчилари — Тэмми Aбраҳам ва Бен Чилуэллар коронавирусга қарши протоколни буздилар. Абраҳам ўзининг 23 ёшини нишонлаган ва жамоадошларини зиёфатга таклиф қилган.
Тадбирда 20 га яқин киши қатнашди, Буюк Британия ҳукумати эса 6 кишидан кўпроқ одамнинг оммавий йиғилишини тақиқлаган.
Британия ОAВ хабарларига кўра, Aнглия терма жамоаси бош мураббийи Гарет Саутгэйт воқеадан хабар топгач, ғазабланган.
Эслатиб ўтамиз, сўнгги ўқув-машғулот йиғинида "Манчестер Сити" ярим ҳимоячиси Фил Фоден ва "Манчестер Юнайтед" ҳужумчиси Мейсон Гринвуд можаро билан терма жамоадан четлатилганди. Ёш футболчилар пандемия пайтида қоидаларни бузган ҳолда қизларни меҳмонхонага олиб келишганди. Ушбу воқеадан кейин Фоден ва Гринвуд миллий жамоага бўлажак ўйинларга чақирув олмадилар.
Санчо, Абраҳам ва Чилуэлл аллақачон жамоатчиликдан кечирим сўрашган. Улар терма жамоадан четлатиладими ёки йўқми, ҳозирча маълум эмас.
