«Arsenal» maskoti (sport o‘yinlari yoki biror-bir xizmat turini reklama qilishda foydalaniladigan turli xil personajlar, odatda hayvon va jonivorlar ko‘rinishida bo‘ladi — «Daryo») Gannerzavr klubdagi 27 yillik faoliyatidan so‘ng ishdan bo‘shatildi, deb xabar bermoqda Goal.

Uzoq yillar mobaynida Gannerzavr libosida Jerri Kuy «to‘pchilar» muxlislarini o‘yinlar vaqtida xursand qilib kelayotgandi. Qayd etilishicha, maskot xarajatlarni qisqartirish haqidagi qarorning qurboni bo‘lgan.

Ma’lumot uchun, «Arsenal» Angliya Premyer Ligasining 4-turidan keyin 9 ochko jamg‘argan holda musobaqa jadvalida 4-o‘rinni egallab turibdi. Jamoa navbatdagi uchrashuvini 17 oktyabr kuni «Manchester Siti»ga qarshi o‘tkazadi.