Xabaringiz bor, 7-9 oktabr kunlari futbol hamda futzal bo‘yicha O‘zbekiston milliy terma jamoalari Eron vakillariga qarshi bir qator o‘rtoqlik o‘yinlarida maydonga tushadi.
Mazkur uchrashuvlarni yuqori saviyada hamda karantin talablariga rioya yetgan holda tashkil yetish bo‘yicha hukumat doirasida maxsus yig‘ilish bo‘lib o‘tdi.
Yig‘ilish bayonnomasiga muvofiq ushbu o‘rtoqlik uchrashuvlari bo‘lib o‘tadigan arenalarga cheklangan miqdorda tomoshabinlar kiritilishiga rozilik berildi.
Karantin talablariga qat’iy rioya qilgan holda, "Paxtakor" stadioni mezbonlik qiladigan futbol bo‘yicha O‘zbekiston - Eron o‘rtoqlik uchrashuviga 1,000 nafar tomoshabin kiritilishiga ruxsat berildi.
Futzal bo‘yicha O‘zbekiston - Eron o‘rtoqlik o‘yini o‘tadigan "O‘zbekiston" sport majmuasiga 200 nafar tomoshabin tashrif buyurishiga ijozat berildi.
O‘zbekiston futbol assosiasiyasi pandemiya sharoitini hisobga olgan holda barcha uchrashuv chiptalarini bepul tarqatishni lozim deb topdi.
Shu sababli, ushbu chiptalarni O‘zbekiston hududi bo‘ylab taqsimlashda Superliga va Pro Liga jamoalarining fan klublari yordamidan foydalaniladi.
Mazkur klub yetakchilari O‘zbekiston futbol muxlislari klubiga murojaat yetishi so‘raladi. Shuningdek, ular o‘z hududida chiptalarning holisona, bepul tarqatilishiga mas’ul hisoblanadi.
Chiptalarni sotish qat’iyan taqiqlanadi!
