«Yuventus» klubi va Portugaliya terma jamoasi hujumchisi Krishtianu Ronalduning Madeyra oroli Funshal shahridagi uyiga o‘g‘ri tushdi. Ushbu voqea 35 yoshli futbolchi terma jamoa ixtiyorida bo‘lib turganida ro‘y berdi. Bu paytda esa Krishtianuning qallig‘i Jorjina Parijdagi modalar haftaligida ishtirok etayotgan edi.

O‘g‘ri ko‘p xonali uyning eshigi orqali garajga kirdi va o‘yinchining imzosi tushirilgan «Yuventus» futbolkasini hamda mayda-chuyda narsalarni olib chiqib ketgan. Polisiya o‘g‘rining kim ekanini aniqladi va hozirda uni qo‘lga olish bilan shug‘ullanmoqda.

Bu paytda Ronaldu oila a’zolaridan kimdir uyda bo‘lganmi yoki yo‘qmi, hozircha bunga aniqlik kiritilmadi. Ronaldu yetti qavatli uyning yuqoridagi ikki qavatini 2015 yilda xarid qilgan edi.