Ushbu ruknimizdagi eng so‘nggi yangilikalar bilan tanishtirishda davom etamiz.
Mozes O‘runov bilan jamoadosh bo‘ladi
Rossiyaning «Spartak» jamoasi tez orada «Chelsi» futbolchisi Viktor Mozes bilan shartnoma imzolashi mumkin.
Bu haqida, «Lokomotiv» jamoasining sobiq bosh direktori Ilya Gerkus ma’lum qilmoqda.
Gerkucning ma’lum qilishicha, Moskva klubi tez orada rasman bu transferni e’lon qiladi.
«Dinamo» PSJ tarbiyalanuvchisini nishonga oldi
Moskvaning «Dinamo» klubi «Nim» jamoasi himoyachisi Loik Landre faoliyatini RPLda davom ettirishi mumkin.
Bu haqida Fransiya nashrlari ma’lum qilmoqda. Unga ko‘ra, «Klermon», «Lans», «Piz» va "Ayacho« jamoalari sharafini himoya qilgan 28 yoshli futbolchi bilan »Dinamo" tez orada 2 yillik shartnoma imzolaydi.
Eslatib o‘tamiz, Loik PSJ jamoasi tarbiyalanuvchisi sanaladi. Qahramonimiz Parij klubi safida bitta o‘yinda maydonga tushgan.
Pogba orzu qilmoqda
Angliyaning «Manchester Yunayted» jamoasi yarim himoyachisi Pol Pogba faoliyatini «La Liga»da davom ettirish fikridan qaytgani yo‘q. Bu haqida futbolchining o‘zi ma’lum qilmoqda.
«Mening futbolchilik faoliyatim »MYU«da davom etmoqda. Yangi mavsumda oldimizga qo‘ygan rejalarimiz juda ko‘p. Shu bois, ularni amalga oshirish uchun ishga kirishganmiz.
"Real" bilan shartnoma imzolash varianti esa biroz chetga surib qo‘yiladi. Shunday bo‘lsada, Madridga ko‘chib o‘tish haqida orzu qilishda davom etaman.», -deb futbolchining so‘zlaridan iqtibos keltirmoqda "Sports" nashri.
Upamekano uchun kurash boshlandi
Germaniyaning «RB Leypsig» jamoasi himoyachisi Dayot Upamekano uchun kurash boshlanib ketdi.
"BILD" nashrining ma’lum qilishicha, »Arsenal«, "Liverpul" va »Manchester Yunayted" jamoalari futbolchining agenti bilan aloqa o‘rnatgan.
Manbaning ma’lum qilishicha, katta ehtimol bilan Dayot kelasi mavsumni ushbu klublardan birida boshlaydi.
Lautarodan o‘zgacha yurish
Milanning «Inter» jamoasi hujumchisi Lautaro Martines faoliyatini «Inter» klubida davom ettirishi katta savol ostida qolmoqda.
Futbolchining agentining aytishicha, «Inter» Lautaro bilan shartnomani uzaytirish borasida muzokaralar olib bormayapti. "TNT Sport" nashrining ma’lum qilishicha, katta ehtimol bilan Martinesning o‘zi boshqa klubga o‘tish maqsadida muzokaralarga kirishishni istamayapti.
Eslatib o‘tamiz, Lautaro Martines bilan «Barselona» shartnoma imzolash niyatida edi, biroq «Inter» uni sotishni istamadi.
