Turinning «Yuventus» jamoasi murabbiy Andrea Pirlo UEFA rasmiy sayti uchun katta intervyu berdi. Ushbu suhbatda sobiq futbolchi murabbiylik faoliyati haqida fikr bildirib o‘tdi.
- Siz futbol sohasini murabbiylikka almashtirdingiz. Nimalar o‘zgardi? Qanday murabbiy bo‘lishni istaysiz?
- To‘g‘risi murabbiylik faoliyati haqida biror narsa deyishimga hali erta. Sababi hali bir mavsum ham to‘liq faoliyat olib bormadim. O‘ylagan rejalarim juda ko‘p, ammo barchasini amalga oshirishim uchun menga biroz vaqt talab etiladi. Futbolchilik faoliyatim davomida ko‘plab super murabbiylar bilan faoliyat olib borganman.
- Qaysi murabbiylardan olgan saboqlaringizni yaxshi xotirlaysiz?
- Mirko Luchesko, Marchelo Lippi, Konte, Anchelotti va Allegri singari «Koach»lar menda juda yaxshi taassurot qoldirgan. Ularning mashg‘ulot o‘tkazish jarayoni va futbolchilar bilan yaqin aloqada bo‘lishi g‘alabaning kaliti edi. Men ularning har biridan kerakli ustunliklarni olgan holda o‘z jamoamda progressni amalga oshirish niyatidaman.
- Murabbiylik yoki Futbolchilik? Qaysi biri mushkul?
- Albatta, murabbiylik. Futbolchi bo‘lish, murabbiylikdan ko‘ra kamroq stressga olib keladi. Buni men ilk uchrashuvlardayoq anglab yetdim.
- Nima uchun stressga?
- Sababi juda oddiy. Futbolchilik davrimda men maydon ichida bo‘lar edim. O‘yinning borishi, tablodagi hisob va natijasi uchun ta’sir ko‘rsatish imkoniyatim juda ko‘p edi. Eng muhimi, maydondagi qarorlarni o‘zim qabul qilar edim. Yarim himoyada turib o‘yin dinamikasini boshqarish men uchun osonroq.
- Murabbiy o‘yinni boshqarmaydimi?
- Nazariy jihatdan boshqaradi, ammo amalda maydondagi futbolchilar natija qayd etishadi. Sobiq futbolchilar , ayniqsa yaqinda faoliyatini yakunlaganlar uchun murabbiylikning ilk yillari juda og‘ir o‘tishi aniq. Sababi, siz voqealar ichida bo‘lishga o‘rgangansiz. Endi esa, hammasini tashqaridan tomosha qilishga majbursiz. Bu xuddi, qo‘lingdan hech narsa kelmasligini bila turib jamoaning o‘yinini tomosha qilishga o‘xshaydi. Endi jamoaning g‘alabasi uchun tashqaridan turib yordam berishga majburman.
